ANG SAKIT SA BANGS

Napakabilis ng mga pangyayari, parang kailan lang.. halos magkadapa-dapa ako kakatakbo huwag lang malate sa opisina.

Walang pagkakataon pag nasa loob ako ng Jeep, na hindi mapapalingon sa bintana, para matanaw yung orasan ng City Hall kung late na ba ako?

Parang kailan lang din Disyembre lang.. mga panahon kung kailan nag-iisip na tayo kung ano bang puwedeng new year’s resolution ang puwedeng pang uto sa sarili na kaya nating tuparin sa pagpasok ng taon.

Ngayon, Pebrero na!

ngisi muna ko.

hehehe..

Natupad ko kasi yung new year’s resolution ko na hindi na ako male-late at magtitipid na, kahit sa buong buwan lang ng January.

Na-late ako nung January 21 (friday) ng 22 minutes. May humarang kasi sakin sa baba ng office, pero ayos lang nabawi ko naman siya ng OT nung kinabukasan.

Nakakapagsave na rin ako ng 1,200 a month puwede na yun, sumali kasi ako ng paluwagan parang money market. Sa December ko makukuha.. mga 15,000.00 din yun.. depende kung tutubo pa. Malaking savings na yun sa isang tulad kong gusgusin.

Malaking tulong din ang blog sa tulad ko. Nababalikan ko yung mga panahon kung saan makikita ko kung panalo o talo ba ako sa pagkakataon.

Maraming salamat pala sa mga unti-unting nakikiliti at napapataas ng kilay sa mga pinag-gagawa ko.

Ang dami kong gustong maka close na mga blogger, ayaw ko naman maging feeling close. Ayoko maging judgemental pero parang may attitude yung iba nababakas ko kasi sa tipa ng mga letra nila. Hmm… sabi ko nga ayaw ko maging mapanghusga, walang wala naman talaga kasi ako sa mga naisusulat nila.

Nakakatakot lang ako mang approach, kasi baka ma reject ka.

ayun ay feeling ko lang naman..

Mabuti na lang nagbalik ako sa Blog, ang dami kong mga bagong natututuhan at naitatala.. iniisip ko palang -ang bawat araw ay kuwento, ang kuwento ay ang araw kaya walang katapusan at hindi ka talaga mauubusan ng ma-ibablog. Maglilimang taon na ako sa Hunyo dito.. at mukhang forever na ‘to.

Natutuwa ako sa mga nag ba-backread sa mga post ko nitong January, nag backread na din tuloy ako sa mga pangarap ko.

WELCOME AND GOODBYE 01/04/11

• Hindi man natutupad lagi ang new year’s resolution ko, pero ang sarap pa ring mangarap para sa bubunuin mo na namang isang buong taon.

TAGONG KULANGOT 01/05/11

• Hindi ko pa pinapangarap ang mainlab sa ngayon. Natatakot kasi ako baka umatake na naman ang kaemohan ko.

‘SANG BANDILA WHOAA HO HO HO 01/10/11

• Kaso sa ilang taon kong papangarapin na magkaroon ng ganoon mukang napakalabo pa rin hanggang ngayon. hahaha.

PUMAKYAW TAYO NG PANGARAP 01/14/11

• wala akong swerte sa ganito, pero dahil libre mangarap malay mo di ba? hoho.

DAANG BAKAL 01/17/11

• Kung sisimplehan ko naman ang pangarap ko para sa mga tren, sana hindi na lang magtaas at kung magtaas man sana mas gumanda ang serbisyo.

MOMMY SELVER 01/22/11

• Basta masasabi ko lang, wala din namang anak na hindi nangarap para sa magulang nang kaginhawaan.

COIN ENVELOPE. 01/28/11

• Pangarap ko sana …., na sana dumating na yung araw na hindi ko na kailangang mag budget, yung tipong sa bawat pagkakataon at oras may madudugot ako.

Wow.. biruin mo yun naka 7 posts ako nitong January, isa ata sa pinaka-masipag ng buwan sakin dito sa Blogospiro.

meron na rin akong 277,370+ hits, sana maka 300K ako bago matapos ang taon.

Teka baka nagtatanong kayo kung bakit ganun ang title sa taas?

Wala lang, natatawa lang ako hahaha.

About these ads