DUGYOT NA JOLLIBEE!

Hindi ito ang unang pagkakataon na magsusulat ako ng isang karanasan sa all-time-favorite nating fastfood -ang Jollibee. Madami na rin akong naisulat tulad o patungkol sa kanilang “mababait!” na crew at pati na rin sa promo nila sa mga SM Cinema (dati). Pero hanggang blog at opinyon lang naman ako. Bukod kasi sa… sa tingin ko’y pag-aaksaya lang ng oras ang magreklamo at sa tingin ko’y hindi na naman nila maibabalik ang pagkainis ko kaya hindi ko na ito ipinaalam sa pamunuan ng nasabing establisyemento.

Isa pa, bukas kakain na naman ako sa kanila.

Pero minsan naiisip ko rin na bakit hindi natin ipaalam sa kanila, malay natin magkaroon ng aksyon o kaunting pagbabago. Tutal yun naman ang dahilan kung bakit sila humihingi ng feedback  sa mga tao. Isa pa madali na naman makipag-ugnayan sa kanila ngayon dahil may internet na.

Kamakailan, humigit isa o dalawang buwan na ang nakakaraan, nagawa kong magreklamo sa Jolibee PGH-Taft branch nila (Minimention ko dito yung branch para hindi naman mageneralized lahat ng branches nila) Tungkol sa nakakadiri at nagsesebong mga baso. Gaya nga nang nasabi ko malay natin sa muling pagbalik mo/ko  maayos na lahat at wala na ang nagmamantikang softdrinks dahil sa hindi kalinisang baso.

Nagagawa ko namang papalitan, at sa pagbalik ng isang crew… nakalagay na ito malinis na disposable na baso. Ibig sabihin, sa baso talaga ang problema.

Nag-email ako sa kanila at nakakatuwang nagawa nilang sagutin ang reklamo ko.

(Click to enlarge) Ito yung unang reply nila sa akin (March 11, 2012). At aminado silang hindi ito ang unang reklamo na natanggap nila tungkol sa nagsesebo nilang baso.

At mas nakatutuwa hindi lang basta isang email o isang tao ang sumagot sa reklamo ko.

(Click to enlarge) O ayan ha! nag assured sila na aaksyonan nila para hindi na maulit (March 12, 2012)

Pero nitong Miyerkules (April 25, 2012) nagawa kong muli kumain sa nasabing branch. Inaasahan kong maayos na at malilinis na ang baso nila at hindi na kakikitaan ng mga nagmamantikang lumulutang sa softdrinks.

Resibo ko, katibayan na nangyari ito matapos ang matagal kong reklamo.

Hindi ko agad nakita yung softdrinks at sa pag-upo ko doon ko lang nakita ito. Mabuti na lang dala ko ang camera ko. Kinuhaan ko ito para i-email muli sa kanila na nabaliwala lang ang mga nauna kong reklamo.

Ang sarap di ba? mas masarap yan personal! haha

Hindi ako maarteng tao, at mas lalong hindi nakamamatay ang sebo. Pero kung iisipin mo na mula ito sa isang kilalang kainan at nagiging pagkakakilanlan na din ng mga Filipino na dapat ay mas lalong pinagkakaingatan ang kalinisan at tiwala ng mga tao.

Sabi ko nga sa mga email ko, madali naman ang solusyon: Kung hindi magawang malinis ng husto ang mga baso edi gumamit ng disposable na baso! di ba?

Alam ng lahat kung bakit gumagamit na ng mga hugasing kasangkapan ang mga fastfood ngayon upang maibsan o mabawasan ang kalat na nilalabas nito sa kapaligiran. Pero kung iisipin, anong pagkakaiba nito ngayon kung napapabayaan din naman ang kalinisan kung saan mas matindi pa!, dahil kalusugan na ng tao ang nakasalalay?

Alam ko lahat tayo may pangarap sa kalikasan, pero sana balansehin nyo naman!

Iniisip ko ngayon kung magiging OA ba ang kalalabasan ng karanasan kong ito sakaling mabasa nyo na. Pero saganang akin lang, Sayang lang talaga ang effort kong magbigay ng feedback ganoong wala din naman palang aksyon.

Ngayon, sakaling magpaulit-ulit ang ganitong siswasyon hindi na ako magu-guilty dahil nagawa ko na yung part ko, hindi lang bilang blogistang may kakayahang magbigay ng opinyon kundi bilang isang simpleng mamamayan na apektado sa kadukyutang ito.

—

P.S. Nandidiri talaga ako, iniisip ko tuloy ngayon:  ilang laway kaya ang nagsama-sama sa basong iyon. Iniisip ko din kung sinasabon ba talaga ang mga baso? -gumamit sila ng JOY effective yun promise! haha lels.

About these ads