2nd year highschool student ako noong mapalad akong mabiyayaan ng cellphone. Nokia 3310 ang una kong Unit. Siguro taong 2002 0 2003 iyon. Mahirap pa magpaload noon, kakaunti palang kasi ang nagpapaload ng E-load at Auto Load kaya napipilitan na lang kaming bumili ng prepaid cards kahit may kabigatan sa bulsa.
Talk’nTxt ang gamit kong sim, pero dahil sa mga di makatarungang pagkawala ng load na hindi naman mapaliwanag lumipat na lang ako sa Globe. Mayroon pa nga akong GenTxt noon e (naaalala nyo pa ba yun?) pero hindi ko naman nagamit.
Noong nasa 3rd year highschool na ako taong 2003 o 2004 lumabas ang Sun Cellular na ayon sa kanilang mga patalastas ay 50 sentavos lang kada text. Kaya kahit mahal pa noon ang simcard na naglalaro sa P100-150.00 (not sure) ay bumili pa rin ako dahil mukhang makakatipid ako dito. Huli na ng malaman ko na sa Sun to Sun lang pala iyon. Sobrang hina pa ng signal noon kaya sa tuwing umuuwi ako sa Cavite kinakailangan ko pang umakyat ng bubong para magkasignal. Seryoso.
Napagtiyagaan ko iyon hanggang makatuntong ako ng 4th year. Malas lang dahil nanakaw ang cellphone ko, ang bobo lang ng nagnakaw (classmate ko pa noong 2nd year) hindi nagpalit ng sim. Hanggang ngayon hindi pa rin nya inaamin at mas lalong hindi pa rin sya nagsosorry sakin kahit napamalita ko na sa buong batch namin. 
The rest is history ika nga, hanggang makapagkolehiyo, naka graduate at nakapagtrabaho na.
POSTPAID
Matagal ko ng naririnig noon ang “post paid” na ang paliwanag ko pa dati ay parang Meralco at Maynilad na nagpapadla ng bill sa tuwing matatapos ang isang buwan. Pero ang pinakamaganda kong narinig tungkol sa “post paid” ay ang pagkakaroon nito ng kasamang cellphone sa tuwing magsu-subscribe ka naman sa kanila (but wait there’s more) magkakaroon ka pa daw ng bagong cellphone sa tuwing matatapos ang kontrata.
Kaya nagpursige talaga akong mag apply. Hindi naman kasi ako mayaman para makakuha ng magandang cellphone, kaya oks na oks ‘to libre pa. Sa Sun Shop SM Manila akong unang nagtangka, ang kaso tatlong beses din ata ako pinabalik-balik.
Noong una kailangan daw ng ID kung sino ang signatory ng Certificate of Employment ko (COE), nagpa photo copy naman ako. Pagbalik ko matapos ang isang araw, kailangan naman daw ng authorization letter ng company kung doon ko daw ipapaaddress. Syempre sigurado naman ako walang gagawa nun sa office kung meron man, aabutin ng madaming linggo. Kaya ang ginawa ko sa bahay ko na lang ipapaadress with authorization letter pa ng mama ko saka ako bumalik.
Noong nakumpleto ko na ang requirements ko at wala na silang mahingi sakin dahil naibibigay ko naman. Tatawagan na lang daw ako. Mahigit isang buwan na ang nakakalipas pero wala namang tumatawag sakin para ipaalam kung approved ba o hindi. Napudpud na nga daliri ko kaka-dial pero maghintay na lang daw ako. Kaya kinancel ko na lang at nag apply na lang sa Sun Shop SM Centerpoint sa Sta Mesa. Kaso ganun din napudpud na ang daliri ko kapa-follow up sa pagtawag pero decline pala noong personal na akong nag follow-up. Syempre nakakapika na dahil hindi mo malaman kung bakit ka nila dini-decline. Kung hindi pa ako magagalit hindi pa nila sasabihin na kaya pala hindi ako ma approved ay dahil hindi daw matawagan yung mga number na binigay o di kaya’y wala daw sumasagot para sa mga tawag nila para sa CI.
Wala na akong pag-asa, kaya nag apply na lang ako sa Globe, wala pang 30 minutes approved agad, same requirements lang naman ang binigay ko.
Ilang buwan matapos ang pag kaka-approved ko sa Globe muli akong nag apply sa SunShop sa Robinsons Manila naman. Pakiramdam ko kasi mas makakatipid talaga ako sa Sun lalo na’t puro Sun subscribers naman ang nasa opisina at ilan sa mga kaibigan ko. Sinamahan ko lang ng competitor’s bill yung requirements ko, after 5 days approved na! At dahil dalawa na nga ang plan ko yung fixed 250 plan lang ang kinuha ko.
NEW POSTPAID PLAN
Mahigit dalawang taon na akong subscriber ng Sun Cellular. In short, tapos na ang kuntrata ko ngayon. Nagkataon namang nanakaw ang cellphone ko nitong nakarang sabado May 16, 2013 kaya napilitan akong lumapit sa Sun Cellular para kumuha ng bagong simcard. naka fixed plan 250 ako at dahil yun nga ang plan ko, hindi ko na rin pala makukuha ang dati kong numero. Papalitan na nila ng bagong sim/number iyon.
Sa Kadahilanang wala nga akong cellphone, gusto ko sana makapag avail ng bago at maganda-ganda kaya ipapaterminate ko na yung old contract ko (na finished contract na rin naman) at mag upgrade o mag apply ng new postpaid @Plan 350. Gusto ko rin kasi sanang makuha yung Cherry Mobile Flare.
Matapos ma process at ma settle ang kung ano mang bayarin sa pagpapaterminate sa una kong plan, sumunod ang proseso namin sa new plan (Pablo ata name nun SunShop Robinsons Manila). Bigla akong hiningian ng bagong requirements na kung tutuusin ay COE at ID lang ay pwede na, tutal hindi na naman ako bagong customer. Kaso hindi daw pwede kasi subject for approval pa daw yun.
Malayung-malayo sa Globe na kapag nakatapos ka ng contract, yung Globe pa mismo ang maghahatid sa bagong cellphone/rewards mo sa billing address mo.
Nagulantang ako! Hindi pa rin pala ako basta-basta makakapag avail ng new plan kahit may dati na akong account. Dapat daw hindi ko muna pinaterminate. Gusto ko syang murahin dahil ang linaw-linaw ng pag-uusap namin na kaya ko ipapaterminate iyon, ay dahil kukuha o magpapa renew ako ng plan. Tapos dapat daw hindi ko muna pinaterminate. Nakakatanga lang. Hindi naman nya siguro basta-basta iteterminate yun kung alam nyang hindi na pala ako magrerenew. Sinisi pa ako. 
Noong tinanong ko kung mababawi ko pa yung dati kong account hindi na daw. At kung kukuha daw ako ng same plan sa fixed 250 kailangan ko pa ding mag submit ng parehong requirements na hinihingi nya sa plan 350 -with approval.
Hindi na ako makapag-isip ng maayos dahil takas lang ako sa opisina at kailangan ko talaga ng bagong number (dahil nanakawan nga ako) kaya ibinigay nya na lang sakin yung Plan 350 na simcard lang na walang kasamang cellphone. ID lang daw ang kailangan dun para sa approval. Ayaw ko naman kasing mag prepaid kasi mahirap o magpalit ng palit. Kaya tinanggap ko na.
NASAAN ANG LOYALTY REWARD?
Noong nasa office na ako, bigla ko na lang napagtanto na naka finished contract na ako kaya dapat kahit papaano may new cellphone o Loyalty rewards man lang ako.
Tumawag ako sa hotline at sinabi naman sakin na possible ko naman mahabol ang free cellphone ko kung makukumpleto ko ang requirements ko na noong araw naman na iyon ay payslip lang naman ang kulang ko.
Bumalik ako kinabuksan pero hindi ko na daw mahahabol ang free phone sa Plan 350 (na simcard lang ang kasama) dahil active na daw ito kahit isang araw ko palang nagagamit.
Nainis ako syempre! naalala ko na lang bigla ang una kong dahilan kung bakit ba ako nagpo-postpaid –dahil sa libreng cellphone.
Sising-sisi ako ngayon, na kahit itakwil ko pa ang sun cellular sa araw-araw kong pamumuhay, naka tali na pala ako sa bagong plan na simcard lang ang meron ako.
Iniisip ko tuloy malas ba talaga ako ngayong taon? Nanakawan na nga hindi pa nabigyan ng pagkakataong magbigyan ng loyalty rewards ng Sun
Text text na lang sa bagong Sun no. ko 0925-805-2929
►►►
Kung nais mong mag subscribe sa mga naisusulat ko, punta lang sa upper rightside ng blog na ito. Ilagay ang email o i-click ang “SUNDAN SI OTEP” Maaari ding i-like ang facebook page ko sawww.facebook.com/librelangmangarap
Kahit masama pa rin ang loob ko noong panahong inaway-away nyo ang tito Trillanes ko habang naninindigan at tumitindig sya sa loob ng senado laban sa katropa ninyong si Enrile. Pero okay na rin tutal no. 9 naman ang tito Trillanes ko sa Senado. Lels (lakas maka Tito).
Laking tuwa ko po noong nabasa ko sa pahayagang 
pero ang kasiyahang iyon ay biglang nawala kasabay ng pagkawala ng nag-uumapaw na wallet ko (hindi dahil sa lamang pera kundi sa mga importanteng bagay na nakapaloob dito) kasama pa ang cellphone ko. 
Magandang alon! – (“goodmorning” in sea world) lels. 
