Tapos na ba ang Rizal fever? hoho ang hirap kasi makitrend, kaya ngayon lang ako magsusulat tungkol kay Rizal.
Nitong Linggo saktong ika-150 anniversaryo na nang pagkakaluwal ni Teodora Alonzo kay Jose Rizal. At sakto ding naipalabas sa GMA|NewsTV ang pelikula ukol kay Rizal.
Hindi naman ako Rizalista pero nagagalak ako pag may mga palabas o dokumentaryo patungkol kay Rizal kaya pinapanood ko ito.
Hindi naman ito ang una kong pagkakataon para mapanood ito pero ngayong ko lang naisip yung tungkol sa huling kahilingan ni Rizal sa kanyang Ina.
Ayon kasi sa pelikulang Jose Rizal ng GMA Films, sa panulat ng idolo kong si Ricky Lee:
Hiniling ni Jose Rizal sa kanyang Ina na kuhain agad ang kanyang bangkay at ibaon sa hukay. Natatakot kasi si Rizal na itapon na lang kung saan. Hiniling nya ding lagyan ito ng isang bato at krus kasama ang araw ng kapanganakan at kamatayan. Maaari din daw lagyan ng bakod at WALA NG ANIVERSARYO.
Kung pagbabasihan natin ang kahilingan ni Rizal sa kasalukuyan nating kalendaryo, mukhang mas pinipili nating bigyang pagdiriwang ang kamatayan ni Rizal kaysa sa kanyang kapanganakan.
Hindi naman talaga regular holiday ang June 19 o June 20 kung bakit nawalan tayo ng pasok, bagkus sa kadahilanang special non-working holiday lang ito kumpara sa December 30 kung saan ito ang kamatayan n’ya.
Regular Holidays
- New Year’s Day – January 1
- Araw ng Kagitingan – April 9
- Maundy Thursday – April 21
- Good Friday – April 22
- Labor Day – May 1
- Independence Day – June 12
- National Heroes Day – August 29
- Bonifacio Day – November 30
- Christmas Day – December 25
- Rizal Day – December 30
Alam nating mahalaga ang kamatayan ni Rizal sapagkat dito namulat ang ang sambayang pilipino. Napapaisip lang ako, sakaling ako kaya si Rizal, saan ko kaya nais maalala ng tao: Sa buhay na ipinagkaloob sa akin? o sa buhay na kinuha lang sa akin?
... Ipagpatuloy:
