PATULOY ANG PANGARAP -ANGELINE QUINTO

Sabik na sabik akong umuwi ng Cavite nitong weekends hindi para makita ang mga pasaway kong nakakatandang kapatid, kundi para manawa ako kakapanood ng TV.

Wala kasing TV sa boarding house kaya ganun na lang ang sabik ko manood.

Pagkauwing-pagkauwi ko palang ng sabado ng gabi naupo na ako agad sa malambot naming sofa at doon nanood na ng jessica soho, tv patrol, talentadong pinoy at kung anu-ano pa. Noon ko nga napagtanto na nahihilo na pala ang TV sakin. hoho

Hanggang nakatulog na lang ako sa upuan namin.

Kinabukasan, pagkagising na pagkagising ko pa lang binuksan ko na agad ang TV, tamang-tama basagan ng panga ang naabutan ko Montiel vs. Donaire. Ayun panalo agad si Donaire sa second round, kitang-kita ko kung paano nangisay yung kalaban ni Donaire. kewl.

Hanggang gabi na akong nagpatuloy kakapanood ng TV. (sawaan talaga)

Syempre inantabayanan ko ang Star Power, hindi ko man nasubaybayan ito sa TV nasusubaybayan ko naman ito sa Internet.

‘SANG BANDILA.. WHOAA HO HO HO..

Intro muna ako: …whoaa ho ho ho..

Nalulungkot na ewan ako, di na kasi ako nakakapanood ng Bandila -favorite news program ko. Kaya napapa -whoaa hu hu hu na lang ako.. mula nang mangibang-bahay na ‘ko. Wala kasing TV sa tinutuluyan ko.

Ikukwento ko na lang kung bakit gustung-gusto ko ‘to.

Mula ng magsimulang bumandila sa telesbisyon ang tinutukoy kong news program tila napako na ako sa pagsubaybay dito. Bukod kasi sa hindi naman talaga ako nakakapanood ng primetime news dahil nasa opisina ako sa mga ganoong oras, napakagaan kasi nitong panoorin sa paghahatid ng balita. Hindi tulad sa balitang napakaseryoso kahelera ng mga primetime telenovela’t teleserye.