“‘GANDANG UMAGA!”


ganda.JPG

Tik..tak, tik..tak, Mabilis na tumatakbo ang oras. Kinakailangang magmadali para sa mga nalalabing minuto na lilipas.

Isang umaga na naman, panibagong araw para sa tulad nating mamamayan. Hindi natin alam kung ano ang naghihintay sa atin paglabas ng bahay. Ang tanging alam lang natin ay maghahanap buhay tayo ngayong araw at papasok sa paaralan para mag-aral.

Halos lahat tayo ay nakikisalamuha tuwing umaga sa napakaraming tao sa kalsada, lalo na pagdumating ang rush hour. Sakay dito, sabit duon, ganyan kadalasan ang sitwasyon sa mga lansangan mapa bus o LRT man. Kinakailangan nating mag-ala superman para hindi mahuli sa ating papasukan.

Saksi tayo sa araw-araw na sitwasyon sa kalye. Madalas nakakasaksi tayo ng hindi maganda sa paningin pero kadalasan naman may magaganda rin tayong nasisilayan.

Nakita mo na ba?

Marahil iniisip mo na magagandang lalake at babae ang tinutukoy ko. Oo, marahil sila nga, silang taong may pakialam sa kapwa tao at sa mundo. Isa ka ba sa kanila?

(SITWASYON 1)

Naranasan mo na bang magboluntaryo para ibigay ang inuupuan mo sa isang matandang babae sa loob ng sasakyan? Kung naisagawa mo na ito, isa ka nga sa magagandang tinutukoy ko.

Ano naman kaya ang naramdaman mo matapos ngitian at pasalamatan ng natulungan mo?

Hindi ba’t ang ganda ng simula ng araw mo? Sana pag nanay mo naman ang nangailangan, nawa’y may magboluntaryo din para sa kanyang mauupuan.

(SITWASYON 2)

Eh ang simpleng pag-aabang ng TAXI sa kanto ng inyong kumunidad? kaso nang pumara ka na ay may sumingit at inunahan ka.

Nainis ka ba? o sadyang naging mahinahon at sinabi sa sarili na baka mas kailangan nya.

Kung naging pasensyosa ka, Miss. isa ka sa maganda ngayong umaga.

(SITWASYON 3)

Limang minuto na lang at mahuhuli ka na sa unang pasok mo sa trabaho, sa hindi sinasadyang pagkakataon nakita mong naaksidente ang taong hindi mo kilala. Walang anu-ano nilapitan mo ito at binigyan ng kalinga.

Mabuhay ka kuya!

Isa ka rin sa tinutukoy kong pinaka-magaganda ngayong umaga. Hindi mo inalintana na ika’y maaaring matanggal sa una mong pasok sa trabaho.

(SITWASYON 4)

Sa loob ng FX, hindi mo namalayan na nahulog na pala ang cellphone mo. Sa iyong pagbaba nakita ito ng driver at sinauli sa’yo.

Nagpasalamat ka ba? Dapat lang Ate! at marapat lang sabihin sa Driver na “Ang gandang lalake mo manong, Sweet driver ka talaga!”

(SITWASYON 5)

Naglalakad ka patawid sa Ped Xing nang makita mong nalaglagan ng wallet ang sinusundan mong matandang lalake na may dalang maleta. Pinulot mo ito at hindi ka nagdalawang isip at ibinalik ito sa kanya.

Pinasalamatan ka.., at ano ‘to binibigay ka pa ng pera.

Tatnaggapin mo ba? o sadyang magpapakatao at sasabihing.. “walang anuman boss, napakaliit na bagay para bigyan mo ako ng pera, salamat lang OKs na!”

(SITWASYON 6)

Ang simpleng pag-abot ng bayad at sukli sa pamasahe ng katabi mo sa dyip, naisagawa mo na rin ba? Syempre! kung hindi pa, marahil ikaw ang nakasabay ko sa dyip noong isang araw na halos makalimang “paki-abot po” na ako ay ayaw pang abutin. Hindi ko alam kung wala siyang naririnig o tinatamad lang. Salamat na lamang sa kapwa ko estudyante na umabot ng pamasahe ko.

Sana lahat ng tao na nakakasabay na ‘tin sa dyip ay tulad n’ya. May paki-alam sa mundong kinagagalawan, may kusa sa anumang pangyayari na nag-aabang.

Ngayong umaga, iniisip lang natin ang pumasok sa opisina at paaralan, walang pakialam sa maliliit na bagay na nagkalat sa daan. Ngayon hindi pa man tayo pumapasok sa ating papasukan may sumipi na sa ating isipan.

Maiisip na kahit sa napaka-abalang kalye pala ay mga aral na maaaring matalisod. Ang tanging gagawin lang ay pulutin ito at itago para ibahagi naman sa iba.

Laging tandaan na kahit sa daan ay may aral, maliit man ito ang mahalaga’y tumutulong na magpa-alala sa iyo na isa ka pa lang mamamayan. Kung tatandaan ito, hindi lang ikaw ang maganda sa umaga pati na rin ang dinaraanan mong kalsada.

3 thoughts on ““‘GANDANG UMAGA!””

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s