MALAYSIA
DAY 3 PART 1/4
Nakaraan
Inamag na ‘to sa baul ko at hindi ko na sana ipo-poste pa pero bigla kong namiss ang Malaysia 🙂 pero hindi din, namiss ko lang siguro gumala. 😀
DAY 3 Malaysia: ika-21 ng Nobyembre 2012. Sa mga nagmamahal sa akin malamang alam nyo na birthday ko yan! Masaya ako dahil naregaluhan ko ang sarili ko ng bonggang bakasyon para sa ika -dalawamput….(nevermind mah age! hahaha) na kaaarawan ko.
Oo ambisyoso talaga sya dahil sa Kuala Lumpur ‘ko pa ito naisipang ipagdiwang. Medyo malungkot lang dahil hindi ‘to naalala ng natatangi kong kalandiaan noong mga panahong iyon. Naka-roaming naman ako! -lels 😛
Nagsimula ang araw na ito sa papungas-pungas na umaga. Ayos lang ang gising namin dahil wala kaming hinahabol na oras o sasakyang may schedule hindi tulad ng Day 2 namin papuntang Genting.
Salamat sa hinaing almusal at pangmayaman na palaman ni Rye. 😀
Agad din kaming umalis at naglakad pumunta sa Bukit Jalil Station ng RapidKL (Sri Petaling Line – Sentul Timur) kung saan kami sasakay patungong Masjid Jamek Station.
Fare = Bukit Jalil Station to Masjid Jamek Station RM 1.90 (PhP24.7)*
Kung balak nyo namang unang puntahan ang Merdeka Square, tatlong istasyon lang ito mula sa KL Sentral (Kelana Jaya Line).
Kapansin-pansin pa rin ang mga mababasa sa paligid na halos katulad lang din ng salita natin, tulad ng nasa ibaba.
Madami talagang pagkakahawig ang Malaysia at Pilipinas, ang malaking pagkakaiba lang -ang kalsada. Tingnan nyo na lang ang susunod na larawan sa ibaba, walang katraffic-traffic ang mga daan. Partida! naka red light pa yan. 🙂
Nakatutuwa din ang mga nagkalat na watawat ng sa paligid. Kahit naman siguro ako, kung bansa ko ang Malaysia pagmamalaki ko din ito sa pamamagitan ng Bandila.
MERDEKA SQUARE
Pagdating namin sa Masjid Jamek Station, sa itaas palang ng LRT makikita na agad ang magagandang gusali. Sabi ko nga para syang intramuros sa atin, hindi naman ganoon kaluma pero mababakas mo yung magandang pagkahulma at mga desenyo. Matatanaw doon ang napakagandang Jamek Mosque kaya marahin doon na rin pinangalan ang LRT Station.
Ilang lakad lang, pagkadating na pagkadating namin sa Merdeka Square picture agad!
Ang Merdeka Square sa kanila ay parang Luneta o Quirino Grand Stand sa atin. Dito rin ginaganap ang mga importanteng okasyon sa kanila.
Hindi naman nagkakalayo ang temperatura natin sa kanila, pero sadyang napakainit talaga noong mga oras na iyon.
KUALA LUMPUR CITY GALLERY
Sa tabi na rin nito matatagpuan ang KL Gallery. Para na rin syang museum na kakikitaan ng kanilang mga kasaysayan, mga prototype ng mga importanteng gusali pati na rin yung nakakamanghang mini city nila na naka audio at visual presentation pa -Pangmayaman! 😀
Sa loob ng gallery o bago lumabas mayroon na ring souvernir shop kung saan makakabali ng pasalubong katulad ng t-shirt, keychain at mismong twin towers na hand made talaga ang pagkakagawa at marami oang iba.
Walang entrance fee sa KL City Gallery (sa pilipinas lang naman uso yun lels 😛 ) Siguro sapat na yung kinikita ng shop para hindi na sila manghingi pa ng fees sa mga turista.
Pagkatapos namin sa Gallery naglibot-libot pa kami ng sandali bago kumain. Ang gaganda talaga ng mga gusali nila.
Pwede na rin sigurong ma i-tip sa inyo dito na huwag magpunta ng masyado nang late o tangahali, dahil napakanit talaga. (hahaha #mema tip lang)
Tanghalian na noon, wala kaming maisip na ibang makainan kaya nag Mcdonalds na lang kami.
Sa Mcdo nila dito, hindi binibili ang Coca-cola Glass, kasama na sa value meal. Hindi ko nga inexpect na meron pala nun hahaha (nagka souvernir tuloy ako ng de oras). Ang coke float dito, monster float agad! at regular softdrinks nila, medium size!. Halos pareho lang naman ang presyo ng Mcdonalds nila dito tulad sa atin nasa 70-150 pesos per meal o RM6.00 – RM12.00. Nakakatuwa lang kasi kapag lunch o dinner bagsak presyo ang mga value meal nila, nasa mahigit RM5.95 na lang.
Sa Pilipinas McSavers ang tawag, sa kanila McValue pero di hamak naman na mas mukhang pagkain ito dito sa Malaysia kaysa sa chiken fillet ng Pilipinas lels :P.
Malas lang dahil hindi uso ang gravy dito para sa fried chicken ganoon din ang rice. Ang uso sa kanila ay ketchap na ubod ng anghang o Sambal.
Lunch =Mcdonalds RM5.59 (77.35)*
Nabusog naman kami infairness! Pahabol pala! ang coke dito refillable! 😀 haha.
Pahinga lang kaunti ay pupunta naman kami sa next destination -Batu Caves!
Abangan ang Part 2/4! lels 😛
_____________ *RM1.00 = PhP 13.00 (In picture) Mali po ang watermarks date ko 2012 po dapat yun.
►►►
Maraming Salamat sa bago kong Subscriber(s)/Follower(s):
 |
hayding http://haydiing.wordpress.com |
Kung nais mong mag subscribe sa mga naisusulat ko, punta lang sa upper rightside ng blog na ito. Ilagay ang email o i-click ang “SUNDAN SI OTEP”Maaari ding i-like ang facebook page ko sa www.facebook.com/librelangmangarap
Libre Lang Mangarap! 
Malaysia Truly Asia! Bongga ang free entrance at bongga ng mga #mema tips. Aliw. at lalo akong na-aliw dahil basta Pinoy, gravy talga ang hanap sa fastfood, kahit na hindi KFC. Haha. At napansin ko na advanced and date sa watermarks ng photos? Nov. 2013. Napansin ko lang naman. 🙂
LikeLike
waaaaaaaaaaaaaaa uu nga!! Naku ang dami kong i-edit. haha ang tagal na kasi nyan 🙂
LikeLike
kumusta ‘yung mga “pasyalan” sa gabi, adre, solb ba? hehehe
LikeLike