Matapos ang mahigit kalahating taon.., sa wakas! muli na naman akong uuwi sa bayan kong sinilangan sa Cavite. Nakakatawa no? ganoong napakalapit lang ng naman ng Cavite mula sa Maynila hindi ko pa masaglitan. Wala naman kasi akong gagawin doon.
Matapos din ang dalawang Todos los Santos na nagdaan, mukhang makakadalaw na rin ako sa wakas sa puntod ng aming ama na si Mang Pepe.
Alam n’yo noong bata pa ako, inggit na inggit ako sa mga kapitbahay namin sa tuwing sasapit ang mga araw ng patay. Naman kasi! wala pa kaming patay noon. (lol) Kaya madalas na lang akong nakikisama sa mga kapitbahay namin para dalawin ang mga puntod ng kanilang mga minamahal sa buhay na yumao na.
Natatandaan ko pa nga sabi sa’kin ng papa ko noon.
“Ikaw bata ka, ang hilig mo pumunta sa sementeryo baka pag namatay ako hindi mo ako dalawin, sige ka ako dadalaw sa’yo”
Noong taong 2007, sa unang pagkakataon hindi ako nakadalaw sa Papa ko, kasi naman unang araw ko ng OJT o On the Job Training ‘yun. Nagkataon kasing sa marketing department ng Loyola Memorial Parks and Gardens ako nag ti-training bilang Graphic Artist. Kung tatanungin ninyo kung ano naman ang kinalaman ng pagiging Graphic Artist sa Memorial Park, kami yung gumagawa ng mga fliers, posters at tarpaulin na ginagamit para mas makahimok pa ng mga taong pipiliing magpalibing sa naturang pangmayamang sementeryo.
Alam n’yo kahit nasa bente anyos na ako noon, natatakot pa rin ako na baka magkatoto nga ang sinabi sakin ng Papa ko.
Kaya pag sapit ng gabi ng ika-1 ng Nobyember, nagawa ko na lang magtirik ng kandila sa boarding house ko. Salamat at hindi nagkatotoo.
Nitong nakaraang taon naman (2008) ewan ko ba kung anong naging dahilan ko noon kung bakit ko nagawang pumunta sa Papa ko.
Salamat na lang at muling hindi nagkatotoo ang nakakatakot na bilin n’ya na dadalawin n’ya ako pag di ako dumalaw sa puntod n’ya.
Baka pinagbigyan n’ya lang ako sa magkasunod na taon, kaya pupunta na talaga ako sa puntod n’ya bukas.
Alam n’yo kung may pangarap man ako ngayong Undas para sa Papa ko ito yung mailipat s’ya sa isang maganda at bonggang-bonggang Family Estate o Mausoleum para mas safe at maaliwas kumpara sa mga pampublikong sementeryo.
Kaya kayo habang nabuhuhay pa kayo paghandaan nyo na ang paghihimlan n’yo hindi lang yung puro basic needs.
kaya kontakin na ang Loyola Memorial Parks and Gardens lols.
Libre Lang Mangarap! 