Tag Archives: Bloggers’ Choice Award

GRANTED, LIBRE LANG MANGARAP!

LATE KA NA NAMAN!

13 Comments

Late na nga kung tutuusin ang gagawin kong blog post na ito tungkol sa year-end special ko. e bakit ba! ako na busy! 😀 Hindi n’yo naman ikalulugod kung anong nangyari sa buong taon ko sa blogworld o sa buhay ko, pero wala lang, gusto ko lang magbalik tanaw sa loob ng isang taon na nakalipas.

Humigit kumulang 32,000 hits ang natamo ng Libre Lang Mangarap ngayon taon. Katumbas ng humigit kumulang din na 250views a day. Malayong malayo sa dating 500-800 views a day taong 2008-2009. e ganun talaga. Hindi ko naman pinagkakakitaan ang blog ko para pansinin ang mga stadistikang yan. Pero nakatataba ng puso kapag may ganitong kadaming bumibista para basahin ang walang-kwentang blog ko 😀

Salamat na lang talaga at nagbalik-loob ako sa Blog noong January 2011 kung hindi pa, malamang hindi ko nakuha ang Bloggers’ Choice Award sa PBA.

PHILIPPINE BLOG AWARDS 2011

TNT ano daw kinakanta ko dito? haha

Hindi ko na bibitinin kung ano ang hindi ko makalilimutan ngayong taon kundi ang pagkapanalo ko sa PBA. Magkadikit-dikit lang naman ang puwet ko sa upuan noong mga oras na tinatawag ang blog ko sa awards night. Sobrang hindi ko inexpect ang pagkapanalo ko noon, dahil kinagabihan palang alam kong talunan na ako. Salamat sa mga valid votes 🙂

Madami akong natanggap na email matapos ang pagkapanalo ko; mga pagbati, paghanga, spam, at ang labis kong kinabahala ang death treat! my gowd! ang daming haters!! lels.

Tapos puso pa ring pasasalamat sa mga sumuporta at bumoto 🙂

BAGONG TRABAHO | BAGONG TIRAHAN

ALABANG SKYLINE, pero hindi dyan aparment ko.

Buwan ng Hunyo noon nang ma on-the-spot akong natanggap sa trabaho. Hindi ako makapaniwala noong mga oras na iyon, sandaling interview lang kasi, wala  pa ngang hands-on narinig ko na agad yung “you’re hired”. Sa ngayon na renew uli ko yung contract ko hanggang MAY 2012.

Ang pagkakaroon ko ng mas maayos na pasahod sa trabaho ang naging dahilan para magkaroon din ng maayos na tirahan. Nakare-renta na rin ako ng apartment malayong-malayo sa kalagayan ko noong nag bo-boarding ako sa España Manila. Yung tipong tatae ka na  lang, kailangan mo pang pumila 😀 Sa apartment ko ngayon kahit maliit lang ang CR pwede pa akong matulog.

HUAWEI aka HOWIE

Hindi ako masaya sa lagay na 'yan haha

Abril naman noong na approved yung pangalawang plan ko sa GLOBE. Tuwang tuwa ako noon kasi first time ko gagamit ng touch screen. Na i-enjoy ko naman s’ya ngayon kahit walang mahagilap na charger ng HUAWEI S7 Tablet at pinag cha-chagaan ang naka electrical tape na Charger. Hindi na rin ako nag eenjoy sa service ng Globe kasi buwan-buwan na lang ata ako nag papa-adjust ng bill ko (ibang usapan na yun..) pwede naman lumipat ng network pag di ka na masaya di ba? (makalipat nga sa Kapatid Network! artista!? lels).

POSSES-PUSESAN!

"Ebidinsya" na nakasakay ako ng erpleyn

Nobyembre: Halos masaniban talaga ako noon,  noong malaman kong makararating na rin ako sa ibang lugar -ILOILO-GUIMARAS. Ang daming first time na nangyari: first time nakasakay ng eroplano, makasakay ng bangka, makakita ng white sand, makalabas ng Luzon at ang hindi ko malimutan ang makagamit ng palikuran ng eroplano. Kinilig pa nga ako pagtapos ko umihi e. swabe!

First time ko din magpakain noong birthday ko. Kahit mamulubi, nagawa kong manlibre sa mga ka-officemates ko at matatalik na kaibigan. Gusto ko nga sana lahat pa ng bloggers kaso hindi naman kaya ng bulsa ko ‘yon. Malay na’tin next time. (weh?)

Maraming salamat sa mga lumiham

Sobrang saya ko nun, noong makatanggap ng daan-daang liham (joke lang wala pang 100) Nakatataba talaga ng puso. Kahit ang mga readers ko nagpadala sakin, mga bloggers at mga ka officemates SOBRANG THANK YOU! 🙂

Madami pang nangyari kung tutuusin pero ito talaga yung mga hindi ko malilimutan.

PASENSYA NA PO

Pasensya pala last time sa pagpa-flood. Ni-repost ko kasi ang ilan sa mga matinong blog posts ko… malamang nareceieved nyo yun. Patawad po.

Ganoon pa man, maraming salamat po sa mga bagong sumusunod o followers ng Libre Lang Mangarap 🙂 Narito sila (mula noong Disyembre – kasalukuyan)

  • Wanhandredwan
  • AJ Luna
  • blacklovesme
  • Zyra
  • Zen
  • Ackeeno
  • boytoypoi
  • Ang Tambay na si MyR
  • pilarcinderella
  • Maglenatividad
  • silentblabbermouth
  • (2) someone bali “sometwo” na yun lels.
  • At Iba pa. (baka may nalimutan)

Kung nais nyo maki-subscribe sa isa na namang  taon nang pagbablog. tumingin lang sa upper right ng blog na ito at makikita nyo doon ang “SUNDAN SI OTEP” para makatanggap ng mga pinakabagong blog post ko. 🙂

Marami pang mga pangarap ang nais kong matupad ngayong taon bago gumunaw ang mundo.

Lalo na sa mga bagong lugar na nais kong marating.

Maraming Salamat muli sa Pagtingkilik at asahan ang mga walang kwenta na naman subalit may sustanyang mga post ngayong 2012!

Libre pa rin Mangarap 🙂

GRANTED, LIBRE LANG MANGARAP!, PERSONAL

AWARD TAYO KAPANGARAP!

Gallery 30 Comments

ERMITA, MANILA – Ika-11:00 na ng gabi iyon habang nasa loob ako ng computer shop. Aaminin kong tumutok talaga ako sa nalalabing isang oras bago matapos ang pagsasara ng botohan sa pagpili ng bagong Bloggers’ Choice Award ng 2011 Philippine Blog Awards. Ito na yun e! hahayaan ko pa bang mawala ang pagkakataong dalawang taon ko ding hinintay matapos ang huling nominasyon ko nung 2009? Karir na ‘to  kung karir! Hahaha 😀

Sa bawat mabilis na minutong lumilipas, pabilis din ng pabilis ang pagtibok ng puso ko. Yung kaba na ilang sandali matatalo na ko uli hahaha! At kabang sa ilang sandali ay puwedeng matupad na yung pangarap mo. 🙂

KA TATS.

Habang inaabangan ko kung sino ang mag-oonline na blogger sa Facebook  list of friends ko na hindi pa nakakaboto hand’un at sabayang nakikisubaybay ang mga Kapamilyang Ubloggers ko. Halos nag mistula ngang war room ng eleksyon ang Group Page ng United Bloggers. Nagmistulan ding mga poll watcher ang iba. Ang iba naman tila naghahanap ng pangalang nawawala sa mga presinto nila kaya tag kung rag! haha. Yung iba naman nagmistulang fying voters para makabili ng boto kapalit ng kagandahan (joke lang).

2:4 yata ang naging ratio ng dagsa ng boto noong mga oras na iyon. Habang nadaragdagan kasi ako ng dalawang na boto, sa kanila naman ay apat. Nakakatawa lang kasi akala ko, ako lang ang nakadarama ng pressured noong mga oras na yun pati rin pala yung mga bloggers na naghahabol sa boto. Salamat na lang at pasok sa bangga ang boto nila.

Natawa naman ang lahat noong halos maka 3 points shoot sa PBA si CJ sa huling minuto nito.

Halos mangiyak ngiyak ako noong mga oras na yun kasi pakiramdam ko na nanalo talaga ako.

Kaya para makasigurado inisa-isa ko lahat ng boto ko. At medyo nanghinayang nga dahil mahigit tatlumpung boto lang ako kumpara sa iba na kulang-kulang apatnapu.

Ganoon pa man maluwag kong tinanggap yung masasabing “pagkatalo ko” at lubus-lubusan ang pasasalamat sa mga sumuporta sakin. Naiisip ko lang na doon pa lang winner na winner na ko! 🙂

KINAUMAGAHAN.

Tinamad ako gumising noong umagang iyon. Hindi na nga ako nakapasok dahil nga napuyat ako at tinamad na rin siguro. Kung hindi pa tumawag si Batang Mangyan para tanungin kung pupunta o anong oras at saan kami magkikita hindi pa ako babangon.

Sa totoo nagdadalawang isip ako noon kung pupunta ako, e wala din naman akong makukuha dun.

Ngayong taon nakakuha ako ata ako ng anim na nominasyon na inaccept ko (FYI hindi ko yun hiningi a! pero nung minsang may nagtanong syempre sinabi ko kung anong kategorya yun gusto ko –PERSONAL BLOG e personal blog naman talaga kasi ‘to). Sa anim na iyon nakatutuwang nakuha ko ang 3 finalists kabilang dito ang Readers’ Choice at Bloggers’ Choice pakiramdam ko kasi doon lang ako may chance manalo haha.. pero gulat much talaga ako noong nafinalist ako sa Humor Blog WTF! Sa totoo lang hindi ko alam kung ipagmamalaki ko ‘to o ikahihiya (inaccept ko pa kasi) Unang-una kasi hindi ko makita kung san banda yung pagka humor ng blog ko e tagalog pa nga lang mali-mali pa yung babay. Oo patawa ako minsan pero hindi naman talaga nakakatawa hahaha. Pangalawa yung ihanay ka sa mga finalists at 3 time-winner na blog tulad ng  The Profession Heckler noong panahong iyon…. may gulay talaga! What the Hek! Siguro sinama na nila ako para maging lima naman kaming finalists at magmukhang may nagtangkang kumalaban sa kanila haha.

PHILIPPINE HUMOR BLOG AWARD FINALISTS:

Naisip ko na lang oo nga sayang may pa raffle pala malay mo mabunot ako. 😀

5:30 ang usapan namin ni Batang Mangyan sa Glorietta (Finalist kasi ang Taragis.com) ayun ang traffic pala sa Makati, buti na lang pareho kaming late. haha. Derecho kami sa Awards Night (Nakanang pang-Famas) sa RCBC Building pala kung saan gaganapin ang paghuhusga.

Doon palang bukod sa maliit talaga ako e nakakapangliit talaga sa mga bloggers na nakikita ko, hindi ko man nababasa ang ilan sa blog nila pero mukhang batikan na talaga at mahuhusay.

Una naming nakita si CuteBerl tapos nakita na rin namin si Mc ayun usap-usap picture-picture at nagpakasiba kakakain ng mansanas haha.

Mabilis na ding lumipas ang oras pagpasok sa loob ilang minuto nag-Lupang Hinirang na rin at nag-umpisa na ang pagkilala sa mga natatanging Blogista ng Taon.

Parang napapadaan lang sa stage yung mga nananalo kaya mabilis ding nauubos ang mga award kasabay ng pagdaan ng mga pangalan ng mga blog na sinusuportahan ng mga ka-Ublog.

Noong nasa kategoryang Humor Blog na (dedma lang) pero nakakatuwa pa rin palang makita mong nagsisigaw blog mo sa stage -LIBRE LANG MANGARAP (ang laki kasi) and the winner is… for the fourt time The Professional Heckler  Wuuu Huuu! sana sumikat din ako ng ganun haha.. libre lang naman mangarap lels.

Syempre tuwa much sila. Hindi ko pinangarap yang award na yan ha. pero sumagi sa isip ko na.. “naku! kung nagmilagro pala anong sasabihin ko sa stage!?” siguro sasabihin ko “Ang award na ito ay para doon sa apat na finalists na mas deserving sa award na ‘to, ganoon pa man akin na lang ‘tong kalabaw” (hang ganda ka ng tropeyo).

Noong nasa pagpili na ng Bloggers’ Choice. sobra! hindi ko talaga inasahan yung nangyari lumaki ng husto yung tenga ko sa narinig ko at hindi  ako makapaniwala na ang “LIBRE LANG MANGARAP ang tinanghal na 2011 PHILIPPINE BLOGGERS’ CHOICE” (palakpakan!!! tatlo ata silang pumalakpak) lels. parang na mighty bond yung puwet ko nun tapos nanlamig yung kamay ko.. totoo pala yung mga nangyayari.

Umakyat ako sa stage na tila lumulutang ako blanko ko utak ko. Pagkakuha ko ng tropeyo na Kalabaw nakalimutan kong may kasama pala itong paper bag kala ko nga cellphone  e (haha ambisyoso), Rocket Plug-it Prepaid 4g 12mbps Broadband pala.

Nakalimutan kong magpasalamat sa SMART “Maraming Salamat Smart” (ako lang pala nabigyan nito) ewan ko lang maswerte lang siguro.

Nadukutan ako last time siguro ito na yung “Good karma” na sinasabi.

Nakalimutan kong magpasalamat sa SMART “Maraming Salamat Smart” (ako lang pala nabigyan nito) ewan ko lang maswerte lang siguro.

Nadukutan ako last time siguro ito na yung “Good karma” na sinasabi.

Pagkababa ko sa stage (hindi ko pa nga alam kung saan ako bababa) blanko pa rin ako di makapaniwala. Hindi ko na nga rin alam sinabi ko sa stage. Sayang kung alam ko lang talaga na mananalo ako sana naghanda ako ng sasabihin kaya dito na lang ako mag i-speech.

Unang-una nagpapasalamat ako kay Bro (naks). Sobrang dami ko ng blessings ngayong taon ay patuloy na nadaragdagan. Hindi ko ito inasahang lahat na nangyayari pero masasabi kong pinangarap ko itong lahat.

Pangalawa sa magulang ko na minsan ko na ring nakwento dito at wala pa rin syang kaalam-alam na minsan ko na siyang nabalahura dito (joke lang). Mahal po kita Mommy Selver. 🙂

Nagpapasalamat ako sa lahat ng mga miyembro United Bloggers na todo-todo ang suporta lalo na sa apat na admin na sina kuya Tsi, Bernard, Boni at Joel ganoon din sa mga hindi nakaboto haha.

Hindi ko na po kayo mababanggit isa-isa sa dami. Ganoon din sa mga entry post nyo, hindi ko na po mabigyan ng tugon isa-isa, pero pipilitin kong gawin iyon 🙂

Syempre taos-pusong pasasalamat sa lahat ng bumoto sakin valid man o invalid ang boto. Ganoon din sa mga twitter followers ko at sa Facebook friends ko. Salamat din sa kulang-kulang isang daang followers ko sa Facebook fanpage at sa humigit-kumulang tatlong daang members ng Libre Lang Mangarap ng FB Group.

Pasasalamat din sa mga nag  like na umabot sa 348likes sa pagkaka finalist ko sa readers’ choice kahit hindi ko kilala ang ilan.

Salamat sa mga nagnominate sakin at sa bumubuo ng 2011 Philipine Blog Awards sa pagkakasama ko bilang finalist.

Salamat din sa Smart kahit nakalimutan ko kayong pasalamatan 🙂

Ang Award na ito ay simbolo ng isang katuparan ng isang pangarap na kung lahat tayo bilang isang tao o grupo ay magkakaisa at mag babayanihan o mag u-unite sa iisang adhikain ay may mga pangarap tayong puwedeng matupad. (ito dapat sasabihin ko sa stage! kinabahan lang talaga ako sayang!) hahaha

Ang Award ding ito ay isang buhay na katotohanan na kung tayo ay mangangarap nang may gawa ay posible talagang magkaroon ng katuparaan.

Nais ko sanang sabihin na kung kakikitaan man tayo ng maliliit na buto ng pangarap sa puso natin, huwag natin itong iwanan bagkus ito’y diligan ng mga positibong pananaw. Dahil ang butong iyan kapag ating inalagaan ay puwedeng mag-ugat at magsanga ng pag-asa  na puwedeng mamunga ng tagumpay.

Masarap po mag ani kapag tayo mismo ang nag tanim! 🙂

Maraming Salamat po!

Para sa lahat -Libre Lang Mangarap.

Narito ang kumpletong listahan ng mga nanalo:

  • Best Hobbies and Recreation Blog
    kuhol.net – cars, culture, competition, community http://kuhol.net/

SPECIAL CATEGORIES

ORCHESTROSCOPY http://www.orchestroscopy.blogspot.com/